Mofa e Befa. Teatro Principal. Pontevedra 23/11/06

Mofa e Befa

Xa sabedes o que fixen onte pola noite ;-).

presentaron o seu novo espectáculo Sempre ao lonxe, en Pontevedra. A parella formada por Victor Mosqueira e Evaristo Calvo, dirixidos por Quico Cadaval acompañados pola música de Piti Sanz que nesta ocasión comparte escenario con eles. É este un detalle que se agradece moitísimo e que sempre lembro das actuacións de Chévere en Santiago, xa hai anos. Música en directo.

Centrándome xa, o espectáculo vai claramente de menos a máis. Ten un comezo frouxo, non sei se é porque xa os vin varias veces, e xa non me sorprenden (igual que me pasou este verán con Faemino y Cansado), ou esa virtude da memoria que tende a enfatizar as emocións pasadas e as lembranzas en xeral. De feito o pequeno video que inserto non é de escachar á risa, como sí o é en especial o que anuncian como final do espectáculo: Los Romeros de Zumárraga, un trío flamenco-rumbero con sabor euskaldún, que esnaquiza calquera axioma do políticamente correcto. Foi este un momento inesquecible. Coas rumbas cantadas en euskera unhas (Una lágrima cayó en la arena, impresionante) , e outras con distintas referencias referencias, coma o Achilipú que foi sustituido por Askatu.mofa e befa

Este seica era o final do espectáculo polo que me comentaron, pero agora rematan cun epílogo que semella improvisado, no que recitan a Calderón de la Barca ó estilo de Bob Wilson (a quen non tiña o pracer de coñecer), que resulta nun perfecto remate.

En xeral, gustoume máis o anterior Cultura para dar e tomar, do que lembro especialmente un par de pasaxes: O Interrogatorio e un de cociña antropofágica. Na súa axenda vese que aínda o representan de cando en cando, botade un ollo.

Na páxina de Mofa e Befa hai un fragmento do espectáculo, que non é o mellor, pero está simpático. Os Varel.la

[gv data="hi6b7dh_cr4"][/gv]

Publicado en Espectáculos,Teatro | 2 Comentarios

2 Comentarios so far

Suscríbete a los comentarios RSS

  1. Dec 1, 2006 a las 11:34 p.m.

    estevoaei dice,

    outro comentario da mesma actuación en
    http://estevoaei.livejournal.com/11862.html

  2. Mar 22, 2007 a las 2:07 a.m.

    O bazar de nes » Mestizaxe en Mofa e Befa dice,

    [...] info: web da compañía -  Compostela Cultura – críticas 1 e 2 View This Video on You Tube ch! | | [...]

Lo sentimos, pero los comentarios están cerrados para esta entrada.