En canto ó da escaseza culinaria do sur, é que vos vivides na capital gastronómica de Galicia (botade a conta de cantos bos restaurantes tendes a menos de media hora da casa), pero é certo que o de Vigo é lamentable: un par de sitios de toda a vida, Maruja Limón e La Oca, que non son do mellor de Galicia, e un montón de sitios moi cool pero que non aportan nada e soen durar pouco. Bueno, e tamén está a opción algo máis económica de Marcelino Pan y Vino, de Marcelo Tejedor, no MARCO VIGO.

En canto ó boi de Kobe, compre ter en conta que o auténtico boi criado en Kobe ten a súa exportación prohibida polas autoridades xaponesas. O que se vende en España habitualmente é de raza Kobe pero nacido e criado en Nova Zelanda, cousa que non avisan cando o cobran e o venden como boi nipón. Agora ben, á marxe das modas dubido moi seriamente de que a calidade desta carne (especialmente se non é a auténtica) mereza valer 10 ou 15 veces máis que a nosa tenreira galega, que tampouco é que sexa precisamente mala.