Mar 12 2007
Son famoso ;-)
Este sábado mentres todo o mundo andaba a ver o futbol, fomos cear. O restaurante paga a pena e espero poñer a crítica a semana que ven. A anécdota é que cando rematamos e estabamos a tomar o café, apeteceume tomar unha copiña de augardente (a ver se mañá remato outra cousa que teño a medias e conto porqué), levanteime a pedila, e alí estaba o cociñeiro, que me pregunta se escribo un blog. Sorprendido respóndolle que si, e a seguinte pregunta xa me remata:
Tí es makeijan?
Espectacular momento. Xa lle dixen cun inmenso sorriso a Moraiminha, que se atopaba na mesa allea á conversa:
Teño un fan!
A verdade é que aínda non entendo como me coñeceu, se só hai un par de fotos miñas no blog e a única que dí quen son é a do Paintball ;-). Mais quedade tranquilos que vou continuar cos pes no chan e non vou vender ningunha exclusiva... por de baixo de 6000 € ;-)
chuzame -
Pois a verdade si que é difícil recoñecerte so pola foto e que momentazo! Agora a aceptar xamóns coma sobornos.
Se queres que o famoso makeijan conteste a este comentario, envía MAKEIJAN FAMOSO ó 6969.
Recibirá 10 mensaxes a 5,17 € + I.V.E. ;-).
Ponme que non se puido entregar a mensaxe ao seu destinatario por orxía culinaria…que cousas ten a telefonía móbil que non che deixa acceder aos teus ídolos :P
Dígocho eu ;-)
Hoxe vou cear algo lixeiriño, coma por exemplo… un xabarín.
[…] Mentres tomabamos o café foi cando se produciu o famoso incidente (famoso para min claro). Na saída botamos unha parrafada comentando o xantar, e ata nos acompañaron ata onde collemos o autobús de volta. Full service! […]