Minihamburguesas de bonito ao curry con queixo de San Simón sobre galleta mariñeira
Cun título así poucos segredos quedan, co que non queda máis ca xustificarme ca seguinte historia. Á miña muller non lle chaman moito as cousas crúas, e coma ela, sempre podemos atopar alguén cuns gustos similares, por iso decidín cociñar o bonito, de xeito que os comensáis menos abertos a novas experiencias puideran degustar un prato similar, ao tempo que experimentaba un pouco.
Coma sempre primeiro darei os ingredientes:
Ingredientes
Para as minihamburguesas
- Bonito de Burela
- Ceboleta
- Xema ovo
- Alcaparras
- Mostaza de Dijon
- Aceite de oliva virxe
- Pementa branca moída
- Sal
Para o enfariñado:
- Fariña triga
- Curry
Presentación:
- Leituga rizada (crecha?)
- Queixo de San Simón
Preparación
As mini hamburguesas.
Limpamos o bonito de pel, espiñas, sangue e calquera resto de visceras, e procedemos a picalo en anaquiños cun coitelo ben afiado. Aplicamos o mesmo tratamento á ceboleta, alcaparras e anchoas.
Posteriormente botámos todos estes ingredientes nun bol un a un, e remexemos para misturalos uniformemente. Engadimos progresivamente e remexendo entre un e outro, a mostaza de Dijon, o aceite de oliva virxe, a pementa branca que preferiblemente será moída no momento, e pirixel finamente picado.
Enfariñar e fritir
Misturamos nun prato fondo unha pouca fariña triga, con curry. Como todo, vai ao gusto de cada un, pero tentaremos non enmascarar demasiado o sabor do bonito.
Chegados a este punto teño que recoñecer que a idea inicial era a de facer albóndigas máis a falta de consistencia decantoume por premelas un pouco e fritilas con aceite de oliva, e así foi como se convertiron en hamburguesas.
Presentación
Finalmente, cubrimos a galleta mariñeira cunha pouca leituga crecha picadiña e pousamos a hamburguesa enriba desta.
Relamos un pouco de queixo de San Simón, e fundímolo cunha pá de queimar para potenciar o seu propio aroma afumado.
Aproveito para lembrarlle aos interesados que estou a facer unha pequena escolma de receitas con galletas mariñeiras onde anoto todas as que facemos en ACITC e outras que vou atopando por aí, de momento todas de blogogastrónomos.
Set 18, 2007 a las 2:13 p.m.
Another Cow In The Corn » Escolma de receitas con galletas mariñeiras dice,
[...] Minihamburguesas de bonito ao curry con queixo de San Simón sobre galleta mariñeira por makeijan (ACITC) [...]
Set 18, 2007 a las 2:21 p.m.
Fada Branca dice,
POr deus ke boa pinta, ainda ke non son dada a estas mañas creo ke o tentarei
Set 19, 2007 a las 8:39 a.m.
makeijan dice,
Gracias polas túas visitas e comentarios. Non sei se estarei a altura do esperado…
Set 19, 2007 a las 8:51 p.m.
gourmetdeprovincias dice,
Aí lle diches. Mira que eu falaba estes días de nova cociña lucense!
Set 25, 2007 a las 7:20 p.m.
makeijan dice,
Xa vin que tiveches máis sorte ca nos co España…
O meu non é nova cociña luguesa, só un pouco de reciclaxe de ingredientes e ideas.
Out 5, 2009 a las 8:08 p.m.
Blog Daveiga » Minihamburguesas de bonito ao curry con queixo de San Simón sobre galleta mariñeira dice,
[...] Unha receita de Another Cow in the Corn [...]
Feb 28, 2011 a las 6:33 p.m.
Daveiga dice,
Eiii! Hola de nuevo desde Daveiga. Hemos estado fuera de juego un tiempo epero nuestro blog vuelve a estar al cien por cien. Nos habían encantado vuestras recetas, estaría bien retomar nuestra relación y que nos hiciéseis alguna otra tan rica como las anteriores. Estamos ahí para lo que queráis. Un saludo desde Galicia!!