Feliz ano novo…. checo

Dende hai uns anos, estas datas teñen un novo estímulo: As VÁNOČNÍ CUKROVÍ. Como védes está pegado tal cual , maíusculas incluidas, porque o checo é doado de falar pero escribilo é outra cousa ;-). Este conxunto de letras con tiles significa Doces de Nadal, e era un dos alicientes das visitas de Óscar e Saša. Esta sobremesa é o equivalente ao turrón de por aquí, pero coa vantaxe de que estas son caseiras, feitas pola nai de Saša, que me ten que disculpar pero non lembro o seu nome. Hainas de nata, xenxibre, coco, chocolate… un amplo surtido.
VÁNOČNÍ CUKROVÍ

Teño a receita dalgunha delas enterrada no fondo do correo, e se alguén ten interese podo publicala á volta, porque o que fai diferente este ano é que este nadal a parella en cuestión decidiu visitar Cuba en decembro, co que non nos quedou outra que ir na procura das galletas ata a súa residencia de Praha. Se todo vai ben, á hora de publicación coíncidirá co noso despegue de Peinador.

E cando esteades a prepararvos para tomar as uvas, lembrádevos do frío que imos pasar. Coma o link é dinámico, dentro dunha semana xa non terá sentido por iso engado esta captura explicativa do que é frío. Xa sei que 0C é unha boa temperatura; nin frío, nin calor, mais -10C e sensación térmica de -24C é moito ata para un conxelador de 4 estrelas.

Cando menos non terei que visitar ao meu ciruxán plástico nunha tempada, por iso da conservación, e agardo non gastarme moito porque o comezo do ano vai ser apretado con algunhas actividades
interesantes (si, tamén estresantes).

A todos, lectores habituáis (algún haberá digo eu), visitantes de paso (chegados de buscadores en pos de algo que non van atopar aquí), e outras herbas (familia, amigos, etc) coas que teño contacto por mail, e de cando en cando premen na sinatura para saber que é iso de Outra Vaca No Millo Another Cow In The Corn, e ter algunha nova de min:

Feliz Aninovo

Feliz Año Nuevo

Happy New Year 

Publicado en Batallas,Česká republika,Gastronomía,Persoal,Viaxes | Comentarios cerrados

Beber País. Vivir no País

Hai xa case un mes que non escribo ren, concretamente dende a IV Xantanza, pero gracias á programación de anotacións, e a unha certa atemporalidade das anotacións (non pola súa profundidade, senon porque tanto ten cando as publique non sirven para nada) penso que transmito unha sensación de continuidade no blog, sen a cal non tería sentido este formato.

Para variar hoxe vou comentar brevemente un evento que está a desenvolverse en Pontevedra estes días.


A campaña de promoción dos viños galegos Beber país. Vivir no País é unha iniciativa do Concello de Pontevedra, Sindicato Labrego Galego e Interreg III a para (como é doado imaxinar) potenciar o consumo dos caldos das nosas Denominacións de Orixe. Celebrase no Pazo de Mugártegui actual sede do Consello Regulador da Denominación de Orixe Rías Baixas os días 26, 27 e 28 de decembro e os vindeiros 2, 3 e 4 de xaneiro.

Onte a invitada foi a D.O. Ribeiro. Un acto con pouco descurso e moita práctica, en parte pola ausencia de dous dos invitados, e porque afortunadamente a ninguén lle dou por traerse un discurso. Desfrutamos dunha breve cata comentada, e a continuación puidemos saborear os mesmo viños con mais calma acompañados dun xeneroso pincho.

Quero salientar o Loural 2006, entre os viños catados. Elaborado en tinos de madeira, de xeito artesanal cunha variada selección de uvas entre elas treixadura, torrontés, godella e albariña, que como mínimo lle aporta un punto átipico.

No día de hoxe tocalle á D.O.Valdeorras e as vindeiras xornadas teremos á Ribeira Sacra, Viños da terra e Portugueses (curiosa mestura), Monterrei e finalmente a anfitriona pecha as xornadas.

Publicado en Actualidade,Gastronomía | Comentarios cerrados

Quén lle comeu o pelexo ó peixe?

Esta foi unha pregunta de Xosé Manoel, na resaca da II Blogoxantanza, que voltou sair na recente IV edición, cando se presentou a pescada no Allo e Aceite. Prometín que remataría este tema, e por unha vez vou cumplir.

Sempre falo da miña primeira experiencia neste mundo da cociña elaborada, porque foi coma un rito iniciático. Nunha soa cea aprendín máis que en moitas outras despois. O primeiro prato daquel sempre revisitado menú degustación era un ravioli de Queixo do Cebreiro que foi sustituido por Queixo Azul naquela ocasión. O prato estaba decorado cunhas sementes e flores. Primeiro pensei que había que retirar esas folliñas para comer o ravioli, porque así foi presentado, pero cando verqueron a crema de cabaza (senon lembro mal), presentouse o problema: como escollo agora o ravioli e evito coller os pétalos que andarían ciscados polo prato. Xoan Cannas debeuse de apiadar da miña cara de circunstancias, e enseguida comentou: Cómese todo. E aí é onde está a chave do asunto. Penso que todo o que esté dentro do prato forma parte do conxunto de presentación, aroma e sabor, e non só dunha delas.

Conclusión: Se o peixe ben con pel, será por algo.

Publicado en Batallas,Gastronomía,Persoal | 2 Comentarios

Hornazo de Salamanca. O curmán da nosa empanada

Salamanca:
Tierra de toros.
Cuanto ganao.
Cuanto perdío.

Así se refire sempre o meu amigo Juan, á cidade onde se criou. E non deixa de ser curioso, porque penso que máis que bois o que debe haber nesa terra son chanchiños. Xamón, lombo, chourizo, farinato, morcilla, etc, todos os derivados do porco están presentes dun ou doutro xeito na gastronomía local.

Hornazo de SalamancaUnha das especialidades típicas da cidade é o hornazo, que está a medio camiño entre unha empanada e un bolo preñao dos nosos veciños asturianos. Como se pode apreciar na foto exteriormente podería pasar por unha empanada ben feitiña, mais no seu interior non hai rastro de vexetáis, e pola contra un porco enteiro en láminas este agachado. Xamón, chourizo e frebas hai había neste exemplar, e como se pode apreciar, non o fixen eu senon que o trouxemos dunha panadería salmantina. A masa  é moito mellor ca o que tomán alí. Ese pan branco que tan pouco atractivo me resulta. Agora nas pastelerías especialmente, tamén os hai de milfollas, aínda que non tiven o pracer de probar esta variante.

Recomendo a lectura da entrada Lunes de Aguas da wikipedia na que se explica unha curiosa historia, na que está envolta este producto e de esguello deixa ver a hipocresía da sociedade castellana do século XVI, que é moi similar á de calquera lugar hoxe en día.


Igual que fixo Juan con nos, recomendamos unha visita a La Casa del Pan de onde veu este magnífico exemplar, e onde tamén merquei unha chea de galletas de natas e perronillas, aínda que nos recomendou que mercaramos madalenas, nas que semellan ser uns artistas.

Publicado en Gastronomía | Comentarios cerrados

Importando información de m4PRO a EXCEL (I)

Hai veces nas que o milleiro de informes que trae o m4PRO por defecto, non son suficientes. Neses casos, hai pequenas modificacións que se poden realizar neles, para complementalos e incluso melloralos. Pero outras veces iso non chega, e necesitamos aplicar filtros por campos non moi habituáis, facer pesquisas por importes ou saber que va facturas validou un usuario son dous exemplos de cousas que non se poden facer actualmente no m4PRO e si se podemos atacar a base de datos.
Vou dividir este procedemento en dúas partes, por dous motivos.

  1. A creación da conexión á base de dados só a fas unha vez (esta primeira parte).
  2. É moito escribir nun día ;-)

Fundamentos

As aplicacións de Solinat, polo que sei, realizanse en Visual FoxPro, é por isto que necesitamos un conector específico, e que, en principio, non ven instalado por defecto.
O primeiro que debemos facer é instalar o Microsoft OLE DB Provider for Visual FoxPro 9.0, que poderedes descargar de aquí. Unha vez realizado este paso, só necesitamos ter unha versión de Ms Office instalada. É posible que tamén funcione con OpenOffice.
Todas as capturas son de Office XP, pero procurarei ir deixando comentarios da versión 2007, porque é a que teño actualmente. Pido desculpas polo desastre do formato, pero non teño tempo para deixalo máis fino, e calquera día cambio de plantilla outra vez e xa queda todo perfecto.

Procedemento

  1. Abrir unha folla Excel ;-).
  2. Datos -> Obtener datos externos-> Nueva consulta de base de datos. Office 2007 – Datos -> Obtener datos externos -> De otras fuentes -> Desde el asistente para la conexión de datos
  3. No Asistente para la conexión de datos seleccionamos Otro o avanzado e Siguiente.
  4. No seguinte diálogo seleccionamos Microsoft OLE DB Provider for Visual FoxPro e Siguiente de novo.VFPRO
  5. En Conexión utilizaremos o selector Free Table directory e ben buscamos o camiño ás táboas ou ben o tecleamos directamente. O habitual é que sexa o mesmo agás, a letra da unidade que deberá ser sustituida pola da unidade compartida das aplicacións de Solinat.
  6. vfpro

  7. Na pestana Avanzadas, eu recomendo seleccionar READ, non estou moi seguro deste comportamento, pero penso que deste xeito estamos seguros de que interactuamos coas táboas en modo de só lectura, cousa do máis recomendable xa que eu non me fago responsable dos teus datos, e Solinat menos. ;-).
  8. Unha vez aceptado saímos a un novo diálogo, alí podemos decidir entre conectar á táboa que nos interesa, ou non. Isto xa veremos que non ten moita importancia porque é facilmente modificable.
  9. O último paso (de momento), é gardar este conecto. Darlle un nome e unha descripción (opcional). E premer Finalizar.

Xa temos un conector de datos que poderemos reutilizar en múltiples follas de cálculo. Por defecto estos conectores gárdanse nos meus documentos Mis archivos de origen de datos.

Agora só resta indicar a cela de inserción e deixar que aparezan os dados.

Na segunda parte explicarei como facer modificacións deste conector rapidamente.

Publicado en Cómo amañei...?,m4PRO | 1 Comentario