Another Cow In The Corn

Agora que o releo... que vello queda iso de ... sen soltar un peso. ;-)

---

Xa levo un tempo sen escribir algo productivo así que hoxe vai ser o día...

Levo un tempo traballando cunha IPBrick. Basicamente trátase dunha appliance que corre unha debian, e que pode proporcionar varios servizos, dos cales actualmente uso; a PBX virtual fornecida por Asterisk; o gateway de fax con servizo fax2mail e mail2fax por Hylafax; e o servizo de VPN a cargo de OpenVPN.

Para os servizos telefónicos que oferta Asterisk, utilizamos teléfonos IP físicos, mais hai a posibilidade de aproveitar os equipos informáticos por medios de softphones, que non son máis que aplicacións que convirten os ordenadores en terminales telefónicos. Os que esteades familiarizados con skype saberedes de que falo.

A finalidade desta entrada e comentar as aplicacións gratuitas (sen entrar en si é freeware, open source, etc.) que atopei para IPBrick (Asterisk). Común a todas elas é a utilización do protocolo SIP.

Tentarei salientar algúns puntos, e indicar as carencias, que sempre serán subxectivos, e primeiras impresións porque aínda non os usei moito tempo, ca esperanza de que sirvan de guía para alguén.

Imos aló:

Ekiga

Comezo por este por un motivo completamente subxectivo: está en galego!. Coñecido coma GnomeMeeting, é un port da aplicación para o escritorio Gnome GNU/Linux, a Windows. A versión actual é beta, vai pola 2.0.11.
Pros:

• Está en galego (tamén en castelán)
• Soporta múltiples contas
• Soporta H.323 co que tamén e compatible con Netmeeting.
• Video e Chat entre clientes.
• Sinxela interface.

Contras:

• Só permite unha liña.
• Quizáis demasiado sinxelo para un usuario avanzado.

Non podo deixar de poñer unha captura...


Ligazón á descarga da versión windows

X-Lite

Este é o que che recomendan e instalar dende IPBrick. Trátase dunha versión gratuita que oferta CounterPath, con limitacións sobre os seus productos de pagamento: eyeBeam e Bria.
Pros:

• Boa Interface
• Permite gravación de conversas
• Utilización de dúas liñas

Contra:

• Só en inglés
• Só soporta unha conta
• Algunha publicidade dos productos de pago (pouco molesta)

Descarga (solicita un e-mail) .

Express Talk

Probada a versión Express Talk Basic 3.08 desta aplicación de nch software que tamén teñen unha versión de pagamento, e tamén para PocketPC (mágoa dalgún dispositivo para probalo).

Pros:

• Permite gravación de conversas
• Ata seis liñas

Contra:

• Só en inglés
• Só soporta unha conta
• Instala o nch toolbox (que non sei para que serve) e un feixe de iconas para descarga dos seus productos, o cal semella abusivo.

Descarga.

3CX

O cliente 3CX VoIP forma parte do 3CX Phone System, un conxunto de servidor e cliente de PBX Virtual para windows que se pode atopar dende unha versión gratuita con soporte para 8 liñas. Non teño pensado probar de momento o servidor polo que me centrarei no softphone.

Pros:

• Apariencias (skins) intercambiables
• Versión en castelán
• Soporta varias contas
• Ata 3 liñas

Contra:

• Non permite cambiar o ID de usuario (Sempre aparece 3CXPhone).

Ligazón á descarga.

E ao final qué?

Terei que poñerllo a probar ás miñas ratas de laboratorio pero penso que vou atacar ás opcións primeira EKIGA e última 3CX, porque teñen o que precisamos, unha ferramenta simple, e que poidan entender.

Eu seguramente seguirei experimentando co que atope, porque opcións coma o voicemail son interesantes, a transferencia de chamadas, etc. poden facer que algún día desparezan os termináis telefónicos físicos de enriba dos nosos escritorios...

chuzame -

Estes días téñome adicado moito á gastronómia e non ao choio. Iso no blog, porque a vida real está a resultar ben distinta. Hoxe atopei unha solución que non vin documentada en ningures, e vouna publicar para que non me confundan cun blog gastronómico ;-).

Hai uns meses renovamos os equipos, e encargamos a configuración e instalación básica. Cando os fomos probando había algúns nos que este molesto diálogo aparecía en cada arranque de usuario distinto dun administrador:

Advanced INF Install. Error en instalación de INF. Causa: Acceso denegado ou en V.O. Advanced INF Install Failure: Reason: Access is denied

Co lío da mudanza, e instalación, deixámolo estar botándolle a culpa a calquer compoñente que se instalaba por defecto nos cds de Dell. Agora que xa vou afinando instalacións, puiden adicarlle un tempo a buscalo, e non foi pouco. Polo tipo de erro, tiña que ser algo que tentaba cargarse ao inicio e o primeiro sitio onde sempre miro é no rexistro de windows, así que regedir e directo a: HKLM\SOFTWARE\Microsoft\Windows\CurrentVersion\Run

É incrible a cantidade de aplicacións que se cargan ao inicio, se instalas os cds dos fabricantes, e normalmente apenas usas nada diso, pero sufres o retraso no comezo da sesión, ademáis da carga de recursos no sistema. Eu procuro ter o systray moi limpiño... ;-).

Qué me perdo! Sen esaxerar había unhas 15 entradas nesa chave do rexistro, se deixas o mínimo, asistente de sincronización e as entradas relacionadas co antivirus, reinicias sesión e segue o erro, o teu caracter cambia... para mal.

De casualidade (como case sempre), din en mirar nas chaves adxacentes, Runonce e RunOnceEx, que non teñen nada habitualmente, de feito non sei a diferencia entre estas dúas.

E isto foi o que atopei:

[HKEY_LOCAL_MACHINE\SOFTWARE\Microsoft\Windows\CurrentVersion\RunOnceEx\nlQl]
"4"="RunDll32.exe C:\\WINDOWS\\system32\\AdvPack.Dll,LaunchINFSection C:\\WINDOWS\\inf\\nlite.inf,nLite"

Eliminar esta chave solventou o problema. Así de simple. Iso me parece agora, pero levo 4 meses co erro. Como en realidade non é un erro senon unha advertencia, e non afecta ao funcionamento, deixeina ir, pero agora vou ter aos meus compañeiros algo máis contentos.

Coma estes días teño procurado solucións e certamente hai moitas causas para este erro, pero tamén atopei moitos foros con preguntas sen resposta, seica as instalacións con nlite crean algúns problemas co messenger. Neste caso con igual orixe, o erro era distino.

chuzame -

Se liches a primeira parte do artigo, podes atopar esta breve explicación moi práctica. En caso contrario: vuelva usted mañana.

Supoño para comezar, que temos aberta o noso libro excel coa táboa actu, nunha das súas follas. Premendo o botón dereito, enriba de calquera celda con valores, o menú contextual amosará unha liña Modificar consulta..., e unha vez seleccionada teremos o diálogo de debaixo que é o que nos interesa...

En vermello esta indicado o máis importante. O texto de comando corresponde ao número da táboa que nos interesa. Se queremos traballar con outra taboa só temos que cambiar un nome por outro. Por exemplo, fare para facturas recibidas ou faem para facturas emitidas.

Do mesmo xeito o cadro Azul indica o número de empresa. No caso de ter máis dunha, podemos cambiar os datos rapidamente cambiando o número de tres díxitos polo da empresa que nos interesa.

Combinar estas táboas coa potencia das táboas dinámicas permite un novo xeito de extracción de información, en apartados nos que está bastante limitada a aplicación como por exemplo, informes de validación de facturas, unha das miñas preferidas.

chuzame -

Hai veces nas que o milleiro de informes que trae o m4PRO por defecto, non son suficientes. Neses casos, hai pequenas modificacións que se poden realizar neles, para complementalos e incluso melloralos. Pero outras veces iso non chega, e necesitamos aplicar filtros por campos non moi habituáis, facer pesquisas por importes ou saber que va facturas validou un usuario son dous exemplos de cousas que non se poden facer actualmente no m4PRO e si se podemos atacar a base de datos.
Vou dividir este procedemento en dúas partes, por dous motivos.

1. A creación da conexión á base de dados só a fas unha vez (esta primeira parte).
2. É moito escribir nun día ;-)

Fundamentos

As aplicacións de Solinat, polo que sei, realizanse en Visual FoxPro, é por isto que necesitamos un conector específico, e que, en principio, non ven instalado por defecto.
O primeiro que debemos facer é instalar o Microsoft OLE DB Provider for Visual FoxPro 9.0, que poderedes descargar de aquí. Unha vez realizado este paso, só necesitamos ter unha versión de Ms Office instalada. É posible que tamén funcione con OpenOffice.
Todas as capturas son de Office XP, pero procurarei ir deixando comentarios da versión 2007, porque é a que teño actualmente. Pido desculpas polo desastre do formato, pero non teño tempo para deixalo máis fino, e calquera día cambio de plantilla outra vez e xa queda todo perfecto.

Procedemento

1. Abrir unha folla Excel ;-).
2. Datos -> Obtener datos externos-> Nueva consulta de base de datos. Office 2007 - Datos -> Obtener datos externos -> De otras fuentes -> Desde el asistente para la conexión de datos
   



3. No Asistente para la conexión de datos seleccionamos Otro o avanzado e Siguiente.
4. No seguinte diálogo seleccionamos Microsoft OLE DB Provider for Visual FoxPro e Siguiente de novo.
5. En Conexión utilizaremos o selector Free Table directory e ben buscamos o camiño ás táboas ou ben o tecleamos directamente. O habitual é que sexa o mesmo agás, a letra da unidade que deberá ser sustituida pola da unidade compartida das aplicacións de Solinat.



6. Na pestana Avanzadas, eu recomendo seleccionar READ, non estou moi seguro deste comportamento, pero penso que deste xeito estamos seguros de que interactuamos coas táboas en modo de só lectura, cousa do máis recomendable xa que eu non me fago responsable dos teus datos, e Solinat menos. ;-).
7. Unha vez aceptado saímos a un novo diálogo, alí podemos decidir entre conectar á táboa que nos interesa, ou non. Isto xa veremos que non ten moita importancia porque é facilmente modificable.



8. O último paso (de momento), é gardar este conecto. Darlle un nome e unha descripción (opcional). E premer Finalizar.

Xa temos un conector de datos que poderemos reutilizar en múltiples follas de cálculo. Por defecto estos conectores gárdanse nos meus documentos Mis archivos de origen de datos.

Agora só resta indicar a cela de inserción e deixar que aparezan os dados.

Na segunda parte explicarei como facer modificacións deste conector rapidamente.

chuzame -

Un, que é inquedo, gosta de fedellar en todo o que manexa. O m4PRO forma parte do meu día a día, así que sempre que hai que modificar un informe para engadir un campo novo, ou ver onde están almacenados algúns datos rebeldes, necesito botarlles un ollo as táboas.

Como o tema é sempre non gastar un can, hai que procurar moito. Durante un tempo usei DBF Viewer 2000,  mais deixou de ter unha versión freeware,  e parvo de min, non quedei cunha copia do instalador. Durante un tempo andiven probando solucións parciáis ata que finalmente atopei a un inglés  que nos facilita unha solución freeware para visualizar estes datos: o DBF Viewer Plus.

Tratase dunha aplicación das que me gustan a min. Un executable e punto. Podes levala nunha chave USB, ou descargala da súa páxina cada vez que o necesites. Desta vez xa fixen varias copias por se cambia de idea o programador.

A pinta que ten é esta de aquí abaixo. Para o exemplo collín unha táboa de mensaxes internos ou iso me parece a min, que non ten ningún dato delicado.

Podes visualizar case todos os campos e rexistros, e ata modificalos, pero iso mellor non se che ocorra senon queres ter algún problema. O bo é poder consultalos, filtrar e exportar a html (non sei para qué), e a csv (cousa moito máis útil).

chuzame -