Ao Pe do Lar. Un traballo de recuperación da nosa memoria gastronómica

Ao pé do lar é unha exposición enmarcada como actividade paralela ao Fórum Santiago 2010, que se pode disfrutar deica o vindeiro 7 de marzo no Museo do Pobo Galego.

Fomos convidados á inauguración onte ao serán, onde nos atopamos con algúns dos seus responsables, entre eles Manuel Gago, Soledad Felloza e Miguel Vila, transmitíndolles os nosos parabéns (que reiteramos) e aproveitando para percorrela e aprender. Pedagóxica e lixeira pero con moito fondo é o mellor xeito de describila na miña opinión.

Amablemente recibimos como agasallo o libro da exposición, con todas as imaxes e receitas da mesma. Aínda que xa levamos un tempo oíndo falar deste asunto e coñeciamos algunhas das historias, ver o conxunto é como compor un crebacabezas, onde cada anécdota escoitada atopa o seu lugar. E para os máis reticentes só direi, que o traballo de recuperación de seis  receitas desaparecidas ou a piques de selo, xa paga a pena. Calquera visitante pode sair con elas, e preparalas no seu fogar  nun caderno.

Só faltaba a do misterioso licor decimonónico. Haberá quen se anime co Risolio? O tempo dirá…

Quedoume gravar o vídeo, pero igual me animo e lle dou  un repaso. Voltando de Santiago, fixemos unha paradiña na Casa dos Martínez esas receitas tamén desaparecen… do pratos.

Publicado en Eventos,Fórum Santiago,Gastronomía | Comentarios cerrados

Respostería con Marcos Álvarez

O que levo escrito, e só falei do primeiro día do forum!. Aínda que xa pasou unha semana dende que asistín a estes obradoiros, dame mágoa non rexistralos, mais por min que por outra cousa. Estou seguro que cando se fale do Fórum Gastronómic de Girona 2009, que seguramente xa estea a tomar forma nas mentes dos organizadores, vaime gustar reler estes pequenos apuntamentos, para revivir as experiencias deses días de febreiro de 2008.


Marcos Álvarez

O domingo só asistín pola tarde, un que non da para máis!. O primeiro obradoiro da sobremesa, foi presentado por Miguel Vila que cal Santísima Trinidade aparecía novamente, acompañando do pasteleiro compostelán Marcos Álvarez. Non foi esta unha ocasión na que iamos ver modernas preparacións, e presentación espectaculares. A cociña tradicional, tamén tivo lugar no forum. Sacándolle mérito ao seu traballo, entregou a receita universal da repostería:

Partes iguáis de ovos, azucre, e amendoa.

A receita do emblema gastronómico da cidade anfitriona do Forum 2008 ao descuberto, e non só iso. Engadindo tal ou cal ingredente, á esta fórmula alquímica, indicou distintas sobremesas europeas, dende Francia ata Austria.

Respoter�a con Marcos Álvarez

Se sabemos a receita, onde están a ciencia? Nos ingredentes, sen dúbida. Sin ser un fan da tarta de santiago, houben de recoñecer os matices que aportaron as catro variedades de améndoa que utilizou, e o grado de torrado das mesmas, dende algunha cun sabor máis tradicional ata a que parecía que tomabas un mazapán.



A degustación primeiro de améndoas e posteriormente destes anaquiños de tartas feitas coas catro variedades, foron os nosos contactos co ceo á primeira hora da tarde.

Publicado en Fórum Santiago,Gastronomía | Comentarios cerrados

Unha visión doce dos cogomelos



A que se vos reciben cunha mesa así, o último no que pensades é en pasteis? Pois así de sorprendido quedei cando vin que o enfoque da cociña de Pedro Roca era cara a repostería. Este ferrolán, que ao parecer está por abrir un novo restaurante, foi presentado por Miguel Vila, que aproveitando a súa posición privileixada degustou a única Xema de Trufa Negra, que o cociñeiro rebozou en trufa relada. Para os demais mortais, o contorno da xema trufada foi de pistacho. Pero non houbo queixa… incrible combinación, e espectacular textura do ovo cocido a 65 graos. O corazón do ovo manipulado coma un cachiño de plastilina entre os dedos, non foi a última sorpresa que este modesto ingredente nos dou no forum.
Xema de trufa negra con pistacho
Fariñas de boletus edulis, e outros cogomelos para panificación foron a seguinte sorpresa da xornada, se a iso lle sumas unha crema pasteleira de cantharellus lutescens, e finalmente podes probalos, non deixas de sorprenderte.

Petit Fours de cogomelos

Seguín este obradoiro acompañado de Chus coa que compartin a degustación destes petit fours.

Publicado en Fórum Santiago,Gastronomía | 1 Comentario

Acuse de recibo

Isto do código cociña éche unha carallada. Agora vou ter que informar dos miles de euros que me embolsaba por comentar restaurantes, viños, etc… Remataron os segredos. ;-)

Todo este conto ven a que acabo de recibir, servida directamente na casiña, esta caixiña coa que agasallaron os de Viña Costeira a todos os bloggers presentes no I Encontro de bloggers enogastronomicos.
Está composta por Treixadura do Ribeiro, Selección Costeira 2006, e unha privilexiada primeira botella da colleita do 2007, que segundo indican foi liberada do seu depósitos hai menos dunha semana. Unha parella que calquera día sufrirá unha mini cata vertical, pero non nun futuro cercano xa que aínda lle agardan uns meses na nosa adega (dous nos recomenda Argimiro), porque na miña opinión é cedo para esta colleita, e algún tempo máis non lle sobrará.

Completa o conxunto, no centro da caixa, o magnífico Licor Café Lúa Jamaica Blue Mountain, do que xa falei hai perto dun ano… e esta si que non dura meses…

Non podo menos que dar as gracias.

Publicado en Actualidade,Fórum Santiago,Gastronomía,Persoal | Comentarios cerrados

Chef Rivera

Mentres o Grupo Nove andaba de festa con Pista Catro na Sala Compostela, decidín abandonar ao groso do público e ver quen era este clásico da cociña galega que é o Chef Rivera, que xunto a Toñi Vicente son os nomes clásicos que resoan no fondo das miñas lembranzas gastronómicas. Sempre referencias de oídas, mais nada en concreto.
Así que tiven a sorte de velos aos dous no mesmo obradoiro, Toñi de público, e o Chef Rivera como protagonista, xunto ao seu fillo Alejandro.

O chef Rivera no Forum Gastronómico de Santiago de Compostela

Pero a verdadeira convidada era a lamprea. Esta gran descoñecida que foi tratada por completo alí mesmo. Dende a súa limpeza, abrindo unha alí mesmo, coa facilidade de quen xa o fixo varios centos de veces, ata a presentación dunhas cantas receitas, que incluiron a tradicional Bordelesa, e outras polo visto tamén típicas dalgúns lugares coma o Timbal de Lamprea, da que podedes ver unha imaxe da pantalla con pouco detalle, pero que da unha idea do concepto do pan coma contedor de peixe e salsa, fermoso… e delicioso, porque tiven o privilexio de saboreala. A continuación amoso as dúas degustacións que nos ofreceron o timbal, que estaba espectacular.
.Timbal de Lamprea polo Chef Rivera no Forum Gastronómico de Santiago de Compostela
E finalmente o falso risoto de arroz basmati e lamprea que foi unha marabilla de presentación, sabor, aroma… nunca pensara eu en usar arroz basmati para un risoto (aínda que sexa falso, por non levar tona, nin queixo).

Falso Risoto de arroz Basmati con Lamprea polo Chef Rivera no Forum Gastronómico de Santiago de Compostela

Durante a exposición amosouse afable, respostando consultas de todo tipo, e ofrecéndose a dar receitas a quen llas pedira. Dou trucos e consellos para a preparación, coma a lamprea rechea, que el dicía non cociñar e non atopar boas combinacións na cociña tradicional, chourizo, ovo… el dixo que a enchería de… troita.

En definitiva, unha magnífica experiencia que o colocou na lista das vindeiras visitas gastronómicas.

Publicado en Fórum Santiago,Gastronomía | 2 Comentarios