feb
18
2008
Un soleado e fresco día nos recibía á chegada aoPalacio de Congresos e Exposicións de Santiago de Compostela. Indecisión na entrada, posto que as acreditacións se recollían no interior, e para entrar había que entregar unha entrada, afortunadamente Mr. Colineta estaba na porta e puidemos flanqueala sen mais problemas. Ao seu carón o Gourmet de Provincias xa armado coa súa acreditación, ofreceuse a acompañarnos ata o mostrador onde se retiraban. Comentamos brevemente as actividades que tiñamos previstas. O gourmet e moraiminha como xurados en sendos concursos (enchufados do carallo ;-)), e eu coma xornalista raso a andar de paseo.
Despois de armados coa acreditación, programa e mapa, cada un foi ao seu...
Espero que ningún profesional se sinta mal por este intrusismo limitado no tempo. Para min son todo vantaxes, porque non é un traballo e non teño obrigas, de publicar nin entregar traballo ningún nun prazo determinado. O único que crea son gastos e ata perdo un día de vacacións, pero as afeccións é o que che teñen, e douno todo por ben empregado.
chúzame -
feb
17
2008
Moi ao meu pesar, o tempo non me dou para cumplir a miña promesa dunha retransmisión cun diferimento de 24, polo que decidín aumentalas a 48 horas, e rematar así ao mesmo tempo co forum, dado que o luns será o último día que asista.
Mentres tanto vou deixando as imaxes de onte nunha presentación de diapositivas para ir facendovos a boca auga... qué malvado son! ;-)
Aproveito ademáis para saudar a dous compañeiros do metal que coñecín onte en persoa; Delokos de Una cocina delokos e Garbancita de I+D en mi cocina, cos que non tiven moito tempo de falar, pero supoño que luns coa historia dos Código Cociña e os bloggers xa se solventará esta incoveniencia, e coñecerei en persoa a un feixe máis destes bichos raros. (mira quen foi falar!).
Chega de leria, e veña fotos...
chúzame -
feb
16
2008
A experiencia de ter un pase de prensa... é doutro planeta. Acceso a todas partes, andar como Pedro por su casa. Non hai colas, agás no bar (isto hai que melloralo para o ano que ven... que tomen nota os organizadores: moble bar con pinchos para os bloggers ;-)).
Se ben o ideal para un evento destes sería facer moblogging, non teño medios e tamén perdería o compoñente de disfrute que me permite ser un afeccionado e non un profesional suxeito a uns prazos e unhas normas. Así o meu tratamento será lixeiramente analóxico, en diferido, con 24 horas de retraso. Non é o que se espera deste tipo de medios, pero non estou disposto a sacrificar a experiencia de perderme un evento, por publicalo a tempo... Non gaño tanto!.
A foto que ilustrará no futuro (espero que esta noite) esta entrada serán os meus compañeiros en acción, hai que vernos co pase de prensa, e currando como se cobrarámos por isto.
O prometido é debeda. Catro equipos para prensa, tomados por Delokos, Sole, Magago e Gourmet que se ofreceu a ocupar o meu sitio, unha vez que premín en: PUBLICAR, PUBLICAR, PUBLICAR... e me convertín no primeiro blog en pulicar algo do forum dende o forum... pero que...que...que raros somos ;-).
chúzame -
