Another Cow In The Corn

Na nosa viaxe á República Checa mercamos un par de libros de cociña. De un deles, Cociña tradicional checa, publicado pola Asociación Checa de Chefs, foi do que saquei esta receita da tradicional Sopa de pataca que aínda que se parece á da foto do libro en cuestión, non sei se logrou o sabor desexado. Unha, porque non me recordou moito a ningunha das sopas de patacas que alí probamos; e dúas ( e igual máis importante) porque son case incapaz de facer un prato seguindo ó pé da letra a receita.

Ingredientes (os do libro)

• 20 g de manteiga
• 30 g de fariña branca
• 1 l de caldo básico de osos brancos
• 150 g de vexetais (cenoura, apio, pirixel, col rizada, allo porro, etc.)
• 150 g de cogomelos frescos ou 20 g se son secos,
• 50 g de cebola
• 50 g de touciño
• 400 g de patacas comino
• allo, pementa moída, mellorana e sal.

Preparación (tal como eu a fixen)

1. Por unha parte, poñer a cocer as patacas con auga , comino e sal. Como non dicía nada na receita, eu peleinas e boteinas enteiras para picalas unha vez cocidas.
2. Nunha tixola refretir en touciño (bacon afumado, foi o que utilicei) a cebola picada en anaquiños pequenos.
3. Por outra banda, preparar unha mezcla coa manteiga (como o libro non dicía nada, eu boteilla de porco, que é a que tiña na casa) e a fariña (que tampouco era branca, senón unha fariña integral asturiana) e fretir ata "que se poña rosada", dicía a receita... Pero como o concepto de "fariña rosada" non está na miña cociña, mezcleina ben como se fose para unha bechamel. Engadir o caldo (que como non tiña feito e non me gusta o de bote, sustituín po auga) e mezclar ben ate que comence a ferver. Engadir os vexetais (cenoura, allo porro e apio) cortados en cubiños, as setas secas(nesta ocasión, boletus que lle deron, penso un sabor moi especial á sopa) e un par de dentes de allo machacados.
4. Pasados uns vinte minutos, engádese o refrito de cebola e as patacas picadas en cubiños pequenos xunto coa auga de cocelas, pementa moída e mejorana ó gusto. Rectificar o sal, e cocer uns dez minutiños máis para que se mezclen ben todos os ingredientes antes de servir.

chuzame

A word for my new visitors

Welcome to my World Day of Bread'07 post!. As long as you probably don't know a world of galician, please enjoy the photos. I've baked a tasty bread! ;-)

Agora en cristiano

Hai uns días chegou unha mensaxe de Sole animándo aos blogogastrónomos a participar no Día do pan. Ninguén máis aparte dela dou sináis de vida, e para non deixala sozinha animámonos a cocer tamén. A iniciativa á que me sumo é a do blog kochtopf (non preguntedes que significa), dende o que se nos anima a facer un pan o día 16 de outubro.

Como hoxe andamos de viaxe, cocemos hai uns días. Alá vai a receita deste pan tan xeitosiño ;-). A receita é basicamente a de Pan para queixos de thermomix, pero co toque persoal da artista.

Ingredientes

• 350 g. de auga
• 1/2 culleradiña de azucre
• 40 g. de levedo fresco
• 600 g. de fariña triga integral
• 2 culleradiñas de sal

O segredo está na fariña, da súa calidade depende o resultado, aínda que sen dúbida a auga tamén inflúe, pero na nosa terra ese problema é secundario.

Eis o resultado.

chuzame

Cun título así poucos segredos quedan, co que non queda máis ca xustificarme ca seguinte historia. Á miña muller non lle chaman moito as cousas crúas, e coma ela, sempre podemos atopar alguén cuns gustos similares, por iso decidín cociñar o bonito, de xeito que os comensáis menos abertos a novas experiencias puideran degustar un prato similar, ao tempo que experimentaba un pouco.

Coma sempre primeiro darei os ingredientes:

Ingredientes

Para as minihamburguesas

• Bonito de Burela
• Ceboleta
• Xema ovo
• Alcaparras
• Mostaza de Dijon
• Aceite de oliva virxe
• Pementa branca moída
• Sal

Para o enfariñado:

• Fariña triga
• Curry

Presentación:

• Leituga rizada (crecha?)
• Queixo de San Simón

Preparación

As mini hamburguesas.

Limpamos o bonito de pel, espiñas, sangue e calquera resto de visceras, e procedemos a picalo en anaquiños cun coitelo ben afiado. Aplicamos o mesmo tratamento á ceboleta, alcaparras e anchoas.
Posteriormente botámos todos estes ingredientes nun bol un a un, e remexemos para misturalos uniformemente. Engadimos progresivamente e remexendo entre un e outro, a mostaza de Dijon, o aceite de oliva virxe, a pementa branca que preferiblemente será moída no momento, e pirixel finamente picado.

Enfariñar e fritir

Misturamos nun prato fondo unha pouca fariña triga, con curry. Como todo, vai ao gusto de cada un, pero tentaremos non enmascarar demasiado o sabor do bonito.

Chegados a este punto teño que recoñecer que a idea inicial era a de facer albóndigas máis a falta de consistencia decantoume por premelas un pouco e fritilas con aceite de oliva, e así foi como se convertiron en hamburguesas.

Presentación

Finalmente, cubrimos a galleta mariñeira cunha pouca leituga crecha picadiña e pousamos a hamburguesa enriba desta.

Relamos un pouco de queixo de San Simón, e fundímolo cunha pá de queimar para potenciar o seu propio aroma afumado.

Aproveito para lembrarlle aos interesados que estou a facer unha pequena escolma de receitas con galletas mariñeiras onde anoto todas as que facemos en ACITC e outras que vou atopando por aí, de momento todas de blogogastrónomos.

chuzame

Ante o reto lanzado por Colineta, engadimos unha nova receita coa base da galleta mariñeira, que agardo deleite a quen se anime a imitarnos.
Antes de comezar quero salientar que os ingredientes foron elexidos en función do que tiñamos por casa, e penso que agás o bonito e o aguacate, todos poden ser substituidos, engadidos ou eliminados, con similares resultados, pero matices máis cercanos ós gustos de cada un. Por unha banda na soia procuramos evitar as que teñen unha base de caramelo, que dan un sabor tan doce. E preferible un sabor máis puro con ese toque salgado, que xunto cas anchoas evitan o engadido extra de sal. Tamén foi unha mágoa non ter cilantro, que se cadra lle daría un toque máis fresco, mais pola contra disfruto duns dos mellores aguacates ós que tiven acceso. Son dunha árbore na eira dos meus pais, e está marcado en tagzania por se alguén quere ir velo dende fora, especialmente Chus e Cesar que se amosaron moi interesados nel cando falei do tema na III Xantanza.
Imos ó choio.

Ingredientes

Para o tartar de bonito:

• Bonito de Burela
• Ceboleta
• Alcaparras
• Anchoas
• Salsa soia
• Mostaza de Dijon
• Aceite de oliva virxe
• Pementa branca moída
• Pirixel

Para o guacamole:

• Aguacate
• Ceboleta
• Aceite de oliva virxe
• Zume de lima
• Sal

Preparación

Comezaremos co tartar

Limpamos o bonito de pel, espiñas, sangue e calquera resto de visceras, e procedemos a picalo en anaquiños cun coitelo ben afiado. Aplicamos o mesmo tratamento á ceboleta, alcaparras e anchoas.
Posteriormente botámos todos estes ingredientes nun bol un a un, e remexemos para misturalos uniformemente. Engadimos progresivamente e remexendo entre un e outro, a mostaza de Dijon, o aceite de oliva virxe, a pementa branca que preferiblemente será moída no momento, e pirixel finamente picado.

Seguiremos co guacamole

Pelar os aguacates, escollendo os máis maduros e retirar a semente. Esmagalos coa axuda dun garfo, engadimos a ceboleta picada miuda, un petisco de sal, un fío de aceite de oliva virxe e o zume de lima. Misturar ben.
Lembrar que o aguacate oxida con rapidez e aínda que o zume de lima retrasa este proceso, convén preparalo xusto antes de servilo.

Presentacións

Postos a experimentar optamos por realizar tres presentacións distintas. Como non temos claro, cal é a máis axeitada, deixamos a cada quen esa complicada papeleta.

Nesta primeira imaxe temos unha cama de guacamole sobre a que pousamos o tartar aproveitando un molde en estrela.

A continuación, cun molde de ferradura, temos dúas variantes. O tartar no molde e por riba o guacamole, ou ben aproveitar o espacio interior da ferradura para introducir o guacamole.

Que o disfrutedes.

chuzame

Tal vez sexa demasiado pretencioso denominar recetario a esta pequena escolma de apuntamentos, mais igual á volta dun ano estou a publicar un libro (co permiso de Don Miguel, claro) ;-).

O tamén chamado pan de barco convirtese así nunha base que sustitúe ao pan tradicional, e uns cantos afeccionados á cociña reinventan os canapés, comezando pola parte aparentemente menos atractiva: a base.

As suxestións non seguen orde ningunha e aínda son poucas, pero coas ameazas que hai de novas propostas, agardo que medre algo máis. Se vedes algunha máis publicada por calquera recondito curruncho da internet, agradécese un avisiño.

• Salgadas:
  • Con ovos de paspallás por Colineta.
  • Ensalada caprese sobre galleta marinera (foto) por Gourmet de provincias.
  • Con magret de pato, queixo de ovella semicurado e mostaza en gran por makeijan (ACITC).
  • Sopa de cebola por Colineta.
  • Empanada Daveiga de zamburiñas por Sole.
  • Con Chutney por Gourmet de provincias.
  • Con queixo sobre horta de xuño por Geiko.
  • Con brevas y cecina por Gourmet de provincias.
  • Tartar de bonito e guacamole por emanem (ACITC).
  • Solombo de porco con cereixas de chantada sobre galleta mariñeira por Colineta
  • Minihamburguesas de bonito ao curry con queixo de San Simón sobre galleta mariñeira por makeijan (ACITC)
  • Paté de xarda con queixo Stillton por Borralleira.
  • Con Hummus por Borralleira.
  • Tomates asados, Queixo de San Simón por Colineta
  • Berenxenas á parmesana por Gourmet de provincias.

• Doces:
  • Con tetilla e doce de alquequenxe por makeijan.
  • Con queixo de cabra caramelizado e orellóns de pexego por makeijan

Un pequeno engadido ó feixe de recomendacións da páxina de Daveiga.

Bó proveito!.

chuzame