Xan 19 2008
Para os checos este un de xaneiro foi un motivo de festa por varios motivos:
Estos son os foguetes tirados dende Letenské sady, vistos dende a intersección de Pariska e Staroměstské Náměstí . Unha morea de xente ateigaba a zona máis exclusiva de Praha, baixo a luz artifical da polvora ardendo e a iluminación de nadal das árbores.
chuzame - Xull 26 2007
Disque hai xente para todo, e este é un exemplo dos que confirman a sabiduría popular. Eu non son de mutilacións corporáis, nin perforacións, nin tatuaxes... Non quero que se me malinterprete. Quero dicir que a min non me gustan e non teño pensado pasar por unha tortura dese tipo, pero que cada un faga o que queira co seu corpo.
Agora vou amosarche unha imaxe. Qué ves aquí?
Haberá quen nestaa foto só vexa unha especie de espiral, e quen vexa... o logo de Debian. Para os que pertenzan ó primeiro grupo tiraremos de wikipedia para cultivalos.
Un cachiño da foto orixinal, será máis esclarecedora.
Agora ven a parte negativa do asunto. A rapaza (Elisa non vou dar o teu nome, para manter o anonimato) ten un portátil con Windows Vista, e a función do debuxo é estético-sentimental, moi alonxado da visión romántica do software libre, que poderiamos imaxinar.
chuzame - Abr 10 2007
O Diablo é un local de Lugo no que estivemos na viaxe de decembro (aínda dou para escribir ;-)), cando fixemos esta foto sabía que se quedaba ben ía sair. Igual hai un monte de bares que serigrafían o seu logotipo nas pallas, mais non os que vou eu.
Unha foto que quedou bastante ben, sen tocarlle a nada.
chuzame - Abr 04 2007
Chámame acomplexado, mais que fai este anuncion en Pontevedra?. Co conto de que o Euro está moi ben situado fronte o Dolar, a oficina de turismo de New York debe de andar a facer unha campaña, supoño eu que por todas as capitais de provincia, para que vaiamos de visita á súa cidade. O lema:
El euro te da mas en Nueva York
Como non teño ganas de que me traten coma un maleante (ainda que o sexa), e non sei como serán as vacacións este ano cos movemento que hai no meu traballo, lembrarei as historias que nos contou Solla no seu paso pola ONU.
chuzame - Mar 22 2007
O pasado sábado, cando saía a facer uns recados, escoitei pola rúa música de gaiteiros. Cal non foi a miña sorpresa ó ver de lonxe un grupo de músicos camiñando de fronte. Lembrei, entón, que eran as festas de San Xosé de Campolongo.
Co son da música veume á memoria outra mañá, esta vez chuviosa (non sei porque, case todos os meus primeiros recordos son de días de choiva) de cando vivía na casa dos meus avós. Era o día da festa, o día de San Martiño. Todos na casa estaban arranxando as cousas para recibir ós festeiros; supoño que xa uliría a aquel cocido tan espectacular que facía a avoa. Facendo que axudaba, seguro que enredaba polo medio. Ó lonxe, escoitáronse os grileiros (así lles chamaban no meu pobo), e eu saía correndo da casa para velos pasar polo camiño, recorrendo a pé a aldea antes da hora da misa...
¡Que ninguén esquecese que era o día da festa!
chuzame - 
O meu del.icio.us
